The Rumjacks live in Hong Kong! 首次香港演出！

Celtic Punk 傳奇首度香港現場演出 THE RUMJACKS – LIVE IN HONG KONG Celtic punk 勁旅 The Rumjacks 終於首次殺到香港，帶嚟一晚混合塞爾特與朋克音樂的獨特現場演出！ The Rumjacks 將猛烈嘅 punk rock 衝勁，同傳統民謠樂器及塞爾特音樂元素撈埋一齊，憑住爆炸力十足嘅聲音喺世界各地打出名堂。佢哋嘅風格經常被拿嚟同 The Clash、The Pogues 呢啲經典樂隊比較，亦曾登上 Groezrock、Wacken Open Air 同 Hellfest 等大型國際音樂節舞台。 樂隊 2010 年爆紅神曲〈An Irish Pub Song〉至今都係全球 Celtic punk 樂迷必聽，喺 YouTube 已累積超過 1.01 億觀看次數。 當晚將由香港本地 Celtic folk 人氣樂隊 Naggin Eejits 打頭陣，率先為大家熱身！